ភ្នំពេញ៖ នាយករដ្ឋមន្រ្តីកម្ពុជាបានសំដែងការស្វាគមន៍ដល់រដ្ឋមន្រ្តីការបរទេសទាំងអស់ដែលបានអញ្ជើញមកចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ ( 55th ASEAN Foreign Ministers’ Meeting- AMM) និងកិច្ចប្រជុំពាក់ព័ន្ធនានានៅព្រះរាជាណាចក្រកម្ពុជា។ 

នៅថ្ងៃទី៣ ខែសីហា ឆ្នាំ២០២២ នេះរដ្ឋមន្រ្តីការបរទេសចំនួន ៧រូបទៀតបានអញ្ជើញមកដល់ព្រះរាជាណាចក្រកម្ពុជា ដូចជារដ្ឋមន្ត្រីការបរទេសនៃប្រទេសនូវែលហ្សេឡង់លោកស្រី Nanaia Mahuta, រដ្ឋមន្ត្រីការបរទេសនៃសាធារណរដ្ឋឥណ្ឌាSubrahmanyam Jaishankar រដ្ឋមន្ត្រីទទួលបន្ទុកកិច្ចការអាស៊ី និងមជ្ឈឹមបូព៌ានៃចក្រភពអង់គ្លេស លោកស្រី Amanda Anne Milling រដ្ឋមន្រ្តីការបរទេសស្រីលង្កា លោក Ali Sabry រដ្ឋមន្ត្រីការបរទេសជប៉ុន លោក Yoshimasa Hayashi រដ្ឋមន្ត្រីការបរទេសសហព័ន្ធរុស្ស៊ី Sergei Lavrov និងរដ្ឋមន្ត្រីការបរទេសសហរដ្ឋអាមេរិក Antony Blinken។ នៅមានរដ្ឋមន្រ្តីការបរទេសនៃប្រទេសមួយចំនួនទៀតនឹងមកដល់កម្ពុជានៅថ្ងៃស្អែកជាបន្តបន្ទាប់។

សម្ដេចបានជូនពរដល់រដ្ឋមន្ត្រីការបរទេសទាំងអស់ និងគណៈប្រតិភូបានសប្បាយរីករាយក្នុងការស្នាក់នៅ និងទទួលបានលទ្ធផលល្អនៅក្នុងកិច្ចប្រជុំ 55th AMM នៅកម្ពុជា៕